துபாய் பிப், 25
ஐக்கிய அரபு அமீரக அபுதாபிக்கு பல்வேறு நிகழ்ச்சிகளுக்கு சென்றிருக்கும் இந்திய யூனியன் முஸ்லிம் லீக்ன் தேசிய மகளிர் அணி தலைவி, தமிழ்நாடு வக்ஃப் போர்டு உறுப்பினர் மற்றும் சென்னை எழும்பூர் கவுன்சிலர் டாக்டர் பாத்திமா முஸஃபரிற்கு அபுதாபி அய்மான் சங்கம் மற்றும் அபுதாபி KMCC சார்பாக அபுதாபியில் உள்ள இந்தியன் இஸ்லாமிக் சென்டரில் வரவேற்பு நிகழ்ச்சி மிகச் சிறப்பாக நடைபெற்றது.
இந்நிகழ்ச்சியில் துவக்கமாக அபுதாபி KMCC பொதுச்செயலாளர் வக்கீல் முஹம்மது குன்னி மற்றும் KMCC தலைவர் சுக்கூர் அலி கல்லுங்கள் ஆகியோர் வரவேற்புரை நிகழ்த்தினர்.
அய்மான் சங்கத்தின் பைத்துல் மால் தலைவர் அதிரை A.ஷாகுல் ஹமீது ஹாஜியார் அய்மான் சங்கம் கடந்த 42 வருடங்களாக செய்து வரும் நற்பணிகளை எடுத்துரைத்தார்.
மேலும் கடந்த சில நாட்களுக்கு முன்பாக துருக்கி மற்றும் சிரியாவில் நிலநடுக்கத்தால் பாதிக்கப்பட்ட மக்களுக்கு நிவாரண பொருட்களை அய்மான் சங்கம் மூலம் துருக்கி மற்றும் சிரியா தூதரகத்தில் வழங்கி வருவது பற்றி தெரிவிக்கப்பட்டது.
இதனைத் தொடர்ந்து நிகழ்ச்சியில் அய்மான் தலைவர் கீழக்கரை H. M. முஹம்மது ஜமாலுதீன் மற்றும் பைத்துல் மால் தலைவர் அதிரை A. ஷாஹுல் ஹமீது ஹாஜியார்
காயிதே மில்லத் பேரவையின் அபுதாபி மண்டல அமைப்பு செயலாளர் ஆவை A. S. முஹம்மது அன்சாரி மற்றும் துணைத் தலைவர் காதர் மீரான் பைஜி ஆகியோர் தேசிய மகளிர் அணி தலைவி பாத்திமா முஸஃபருக்கு பொன்னாடை வழங்கி கௌரவித்தனர்.
இந்நிகழ்ச்சியில் இந்திய யூனியன் முஸ்லிம் லீக்கின் தேசியத் மகளிர் அணி தலைவி டாக்டர் பாத்திமா முஸஃபர் சிறப்புரை வழங்கினார். நிகழ்ச்சியில் அய்மான் சங்க துணை தலைவர் மதுகூர் Y. M. அப்துல்லாஹ், பொருளாளரர் லால்பேட்டை A. முஹம்மது அப்பாஸ் மிஸ்பாஹி, மக்கள் தொடர்பு செயலாளர் காயல் உமர் அன்சாரி, நிர்வாக செயலாளர் ஆடுதுறை முஹம்மது அப்துல் காதர்-MAK, செயற்குழு உறுப்பினர் முஹம்மது கைசர், முஹம்மது யாசிர், அபுதாபி KMCC நிர்வாகிகள் C. சமீர், வீரன் குட்டி, மஜித், அப்துல் அஜீஸ், பஷீர் மற்றும் அபுதாபி காயிதே மில்லத் பேரவை நிர்வாகிகளும் ஏராளமானோர் கலந்து கொண்டார்கள்.
மேலும் நிகழ்ச்சி ஏற்பாடுகளை அய்மான் சங்கம் மற்றும் அபுதாபி KMCC நிர்வாகிகள் மிகச் சிறப்பான முறையில் ஏற்பாடு செய்திருந்தனர்.
நிறைவாக இந்தியன் இஸ்லாமியக் சென்டர் துணை தலைவர் மாற்று அபுதாபி KMCC துணை தலைவர் அசரப் பொன்னணி ஆகியோர் நன்றியுரை வழங்கினர்.
M.நஜீம் மரைக்கா B.A.,
இணை ஆசிரியர்.
அமீரக செய்திப் பிரிவு. U.A.E.