சென்னை அக், 26
எப்எம்சிஜி நிறுவனமான இந்துஸ்தான் யுனிலீவர் நிறுவனம், தனது தயாரிப்பான டவ் உள்ளிட்ட ட்ரை ஷாம்பு வகைகளை அமெரிக்கச் சந்தையிலிருந்து திரும்பப் பெறுவதாக தகவல்கள் தெரிவிக்கின்றன.
டவ் உள்ளிட்ட ஷாம்பு வகைகளில், பென்ஜென் என்ற மூலப்பொருளால் ரத்தப் புற்றுநோய், லுகிமேனியா நோய் வருவதற்கான வாய்ப்பு இருப்பதையடுத்து, ஷாம்பு பிராண்டுகளை திருமப்ப் பெறுவதாக ப்ளூம்பெர்க் செய்தி நிறுவனம் தெரிவித்துள்ளது.
டவ் ஷாம்பு மட்டுமல்லாது, நெக்சஸ், சுவாவ், டிரஸ்மீ, டிகி ஆகிய ட்ரை ஷாம்பு வகைகளையும் யூனிலீவர் நிறுவனம் திரும்பப் பெறுகிறது என்று ப்ளூம்பெர்க் நிறுவனம் தெரிவித்துள்ளது.
மேலும் ஜான்ஸன் அன்ட் ஜான்ஸன் நியூட்ரோஜினா, எட்ஜ்வெல் பெர்சனல் கேர் பனானா போட், பியர்ஸ்சர்ப் காப்பர்டோன் ஆகிய பொருட்களும் திரும்பப் பெறப்பட்டுள்ளன. இந்தப் பொருட்களில் ரத்தப் புற்றுநோய், லுகிமேனியா உருவாக்கும் பென்ஜின் இருப்பது அமெரிக்காவின் கனெக்ட்கட் நகரில் உள்ள வலிசியூர் ஆய்வகத்தில் கண்டுபிடிக்கப்பட்டது.
இதனால் ஏரோசோல் ட்ரை ஷாம்பு தொடர்பான 19 வகை பொருட்களையும் யுனிலீவர் நிறுவனம் அமெரிக்கச் சந்தையிலிருந்து திரும்பப் பெற்றுள்ளது. இது தொடர்பாக அமெரிக்க உணவு மற்றும் மருந்து நிர்வாகத்துறையும் நோட்டீஸ் அனுப்பியுள்ளது.
மேலும் திரும்பப் பெறப்பட்ட பொருட்களால் எந்த பாதிப்பும் இதுவரை நுகர்வோர்களுக்கு ஏற்படவில்லை, முன்னெச்சரிக்கை நடவடிக்கையாகவே இந்த பொருட்களை திரும்பப் பெறுவதாகத் தெரிவித்துள்ளது. அதுமட்டுமல்லாமல் கடைகளில் தங்களின் ஷாம்பு வகைகளையும் காட்சிப்படுத்துவதை நிறுத்துமாறு உரிமையாளர்களுக்கும் யுனிலீவர் கேட்டுக்கொண்டுள்ளது.