தொடர்ந்து விஜய்யுடன் ஜோடி சேரும் திரிஷா.

சென்னை செப், 2

‘விக்ரம்’ படத்தைத் தொடர்ந்து லோகேஷ் கனகராஜ் இயக்க உள்ள புதிய படத்தில் விஜய் நடிக்கிறார். இந்தப் படத்தின் அதிகாரப்பூர்வ அறிவிப்பு விரைவில் வெளியாக இருக்கிறது. வழக்கம்போலவே இந்தப் படத்திலும் வில்லன்கள் கதாபாத்திரங்களுக்கு முக்கியத்துவம் தரப்பட இருக்கிறது. அந்த வகையில் வில்லன்களாக பிரித்விராஜ், சஞ்சய் தத், கவுதம் மேனன், அர்ஜுன் ஆகியோர் நடிக்க இருப்பதாக கூறப்படுகிறது.

இந்த புதிய படத்தில் சமந்தா வில்லி கதாபாத்திரத்தில் நடிக்க இருப்பதாகவும் தகவல்கள் வெளியானது. இந்தநிலையில் விஜய்க்கு ஜோடியாக நடிக்கும் கதாநாயகி குறித்த தகவலும் வெளியாகி இருக்கிறது. தமிழ் சினிமாவின் முன்னணி கதாநாயகியான திரிஷா இந்தப் படத்தில் ஒப்பந்தமாகி இருப்பதாக கூறப்படுகிறது. விஜய்யின் மனைவியாக மிக முக்கியமான கதாபாத்திரத்தில் திரிஷா நடிக்க இருப்பதாகவும் பேசப்படுகிறது.

‘கில்லி’, ‘திருப்பாச்சி’, ‘ஆதி’, ‘குருவி’ ஆகிய படங்களை தொடர்ந்து 5-வது முறையாக விஜய்யுடன், திரிஷா இணைந்து நடிக்க இருப்பது இரு தரப்பு ரசிகர் களையும் உற்சாகமாக்கி இருக்கிறது.