சென்னை டிச, 28
மதுரை திருமங்கலத்தில் 1952 ம் ஆண்டு ஆகஸ்ட் 25ல் பிறந்த விஜயகாந்தின் இயற்பெயர் விஜயராஜ் என்பதாகும். 1979 ம் ஆண்டு இனிக்கும் இளமை என்ற படத்தின் வாயிலாக தமிழ் திரை உலகில் நடிகராக அறிமுகமானார். 2015ஆம் ஆண்டு வரை 150 க்கும் மேற்பட்ட திரைப்படங்களில் நடித்துள்ளார். 1984 ம் ஆண்டில் மட்டும் ஒரே ஆண்டில் 18 படங்களில் நடித்த சாதனை படைத்தார்.
திரையுலகம் மட்டுமல்லாது அரசியலிலும் தேமுதிக கட்சியின் தலைவராக விஜயகாந்த் இருந்தார். அவர் இன்று உயிரிழந்ததாக மியாட் மருத்துவமனை தெரிவித்துள்ளது. மூச்சு திணறல் காரணமாக இரு தினங்களுக்கு முன் மருத்துவமனையில் அனுமதிக்கப்பட்டார். அவருக்கு கொரோனா தொற்று இருப்பது தேமுதிக அறிக்கை மூலம் இன்று காலை உறுதி செய்யப்பட்டது. இதனைத் தொடர்ந்து சிகிச்சை பலனின்றி அவர் உயிரிழந்து விட்டதாக அறிவிக்கப்பட்டது.